Турција се подготвува да ја смести борбата со камили на листата на УНЕСКО

ИЗМИР (АА) - Градоначалникот на егејската област Измир денес изјави дека тие се подготвуваат да аплицираат во УНЕСКО за традиционалната борба со камили да биде сместена на листата за нематеријално културно наследство, јавува Anadolu Agency (AA).

„Во период од 17 до 19 јануари ќе организираме Меѓународен симпозиум „Селчук-Ефес“ за култура на камиларството и борба со камили“, се вели во соопштението издадено од Општина Селчук, коешто го цитира градоначалникот Дахи Зејнел Бакиџи.

Бакиџи додаде дека Симпозиумот има за цел да ја стави културата на камиларството и борбата со камили на научна основа и да му овозможи на овој спорт да влезе на листата на нематеријално културно наследство на УНЕСКО.

Тој истакна дека борбата со камили што се одржала во Селчук имала поинакво место од другите боречки спортови во однос на структурата на теренот, публиката, историските и културните карактеристики на областа.

„Културата на камиларството отсекогаш имала важно место во турско-исламската историја“, додаде Бакиџи.

Нагласувајќи дека тоа е извор на престиж за сопствениците на камили да направат своја трка со камили во Селчук, тој додаде дека турнирот се одржува во согласност со регулативата на Федерацијата за борење на камилите.

„Ние го поддржуваме борењето со камили, кое ќе биде одржано по 37. пат и ќе се најде на насловната на „TIME Magazine“, во полето за наука преку Симпозиумот“, изјави тој, додавајќи дека тие сакале научно да ја истражат културата и да ја пренесат во иднина со научни податоци.

„На настанот ќе учествуваат 124 камили од различни градови и области како што се Бодрум, Ортаклар, Соке, Денизли, Чанаккале, како и подрачјето кое е домаќин на овој настан“, додаде тој.

Иако потеклото на борбата со камилите не може точно да се одреди, се верува дека започнала за време на номадските времиња.

„Луѓето заинтересирани за борбата со камили или сопствениците на камилите велат дека номадите имале свои борби со камили како дел од натпреварот меѓу сопствениците на каравани“, пишува на официјалната веб-страница на Министерството за култура и туризам на Турција.