Сто и десетгодишниот дедо Бекир своето здравје го должи на природната исхрана и на животот без стрес

ЕРЗУРУМ (АА) – ИСМАИЛ ХАКИ ДЕМИР -

Сто и десетгодишниот Хаџи Бекир Емреџик, кој живее во областа Карајази во Ерзурум, порача дека своето здравје го должи на природната исхрана и на животот без стрес, пишува Агенција Анадолија (АА).

Хаџи Бекир Емреџик во населбата Карасу во Карајази живее заедно со син му Фират Емреџиј, снаата и петте внуци и привлекува внимание со својата енергичност.

Дедото Бекир се оженил во 1960 година, има 12 деца и 51 внуче. Живее со најмалиот син Фират Емреџик и пет внуци.

Емреџик низ текот на својот живот се занимавал со земјоделство и сточарство. Се храни со производи како што се путер и мед. Младоста ја поминал јавајќи на коњ. Своите потреби може да си ги задоволи сам.

Поголемиот дел од своето време дедо Бекир ги поминува дома со своите внуци и меѓу дрвјата во близина на неговата куќа. Вели дека својот здрав живот го должи на природната исхрана и на животот без стрес.

За Агенција Анадолија (AA), дедо Хаџи Бекир Емреџик рече дека ваквиот долг живот е прво благослов од Бога, а потоа и на здравиот живот.

Истакнувајќи дека покрај тоа што пасел животни, порано многу добро јавал коњ, Емреџик рече: „Порано многу добро јавав коњ. Со коњ за 15 минути одев до центарот на Карајази. Понекогаш се тркав со автомобили. Сѐ уште јадам путер и мед. Не се грижев за ништо. Реков, што и да се случува, се случува од Бога. И живеев на тој начин.“

- „Пред да умрам, мојата единствена желба е да се ракувам со претседателот Ердоган“ -

„Во 110 години служеа 2 султани, 12 претседатели и 27 премиери. Го видов периодот на 12 претседатели и премиери. Ататурк не го видов лично, но живеев во негово време. Учествував и на една програма организирана по повод неговата смрт“, рече Емреџик.

Истакнувајќи дека многу го сака претседателот Реџеп Таип Ердоган, Емречик рече: „Пред да умрам, мојата единствена желба е да се ракувам со претседателот Ердоган.“

Неговиот син Фират Емреџик истакна дека својот татко го гледа како своите очи и дека се многу среќни затоа што тој на 110 години е полн со животна енергија.