Прва венчавка во руската династија по 100 години

САНКТ ПЕТЕРБУРГ (АА) - Георгиј Романов, член на семејството Романови, последната династија на Руското Царство, се ожени на првата венчавка на династијата што се одржа во Русија по повеќе од 100 години, јавува Агенција Анадолија (АА).

Романов во историската Црква „Свети Исак“ во Санкт Петербург се ожени со италијанската писателка Ребека Бетарини.

На свадбената церемонија која привлече внимание бидејќи беше првата венчавка во династијата што се одржа во Русија по еден век, присуствуваа голем број гости.

Четириесетгодишниот Георгиј Романов, член на семејството Романови, последната династија на рускиот цар, живее во Шпанија.

Последниот цар на Руската Империја, Николај II, беше убиен од страна на болшевиците во 1918 година заедно со неговата сопруга и петте деца.

Георгиј Романов е роден во Мадрид, како син на големата војвотка Марија Владимировна Романова.