Adel Omeragic
04 Септември 2019•Ажурирај: 05 Септември 2019
ПОДГОРИЦА (АА) - Приливот на странските директни инвестиции од земјите членки на НАТО во Црна Гора во 2018 година се зголеми за 64 отсто во однос на 2017 година, се соопштува од Владата на Црна Гора, јавува Anadolu Agency (AA).
Како што изјави Милош Јовановиќ, директор на Агенцијата за промоција на странски инвестиции, откако Црна Гора стана членка на НАТО, дошло до значајно зголемување на приливот на странските директни инвестиции.
Според неговите зборови, речиси половината од странските директни инвестиции во 2018 година биле инвестициите од членките на НАТО.
„Приливот на странските инвестиции се зголеми за околу 30 отсто за 2018 година во однос на 2017 година, додека приливот на директните странски инвестиции од земјите членки на НАТО-сојузот се зголеми за дури 64 отсто, што е големо зголемување во однос на 2017 година“, истакна Јовановиќ.
Полноправна членка на НАТО Црна Гора стана на 5 јуни 2017 година.
