Руската „Сбербанк“ се повлече од европскиот пазар

МОСКВА (АА) ‒ Најголемата руска банка „Сбербанк“ соопшти дека по воведените санкции се повлекува од европскиот пазар, пренесува Агенција Анадолија (АА).

Во писменото соопштение на „Сбербанк“ се нагласува дека филијалите на компанијата во Европа доживеале „вонреден“ одлив на готовина.

Исто така, се наведува дека има закани кон вработените и филијалите на компанијата и дека „Сбербанк“ одлучила моментално да се повлече од европскиот пазар.

Австриската управа за пазари на капитал (FMA) соопшти дека „Сбербанк Јуроп“ е затворена по налог на Европската централна банка (ECB).