Питер Естлин: „Турција моментално е 13. економска сила во светот“

ИСТАНБУЛ (АА) - Директорот на Финансискиот центар во Лондон, Питер Естлин, изјави дека економијата на Република Турција моментално е 13-та во светот, јавува Anadolu Agency (AA).

Здружението на турски стопанственици и индустријалци (TUSIAD) организираше собир со наслов „Ревидирање на турско-британската соработка по Брегзит“.

Естлин во обраќањето до учесниците истакна дека Велика Британија пред две години била втор најголем пазар за турскиот извоз.

„Турција е еден од најважните економски партнери на Велика Британија. Билатералните односи се добри и потребно е нивно дополнително развивање“, рече Естлин.

Тој го пофали економскиот развој на Турција, а посебно укажа на високиот степен на услуги во турскиот туристички сектор.

„Турската економија порасна. Моментално е 13-та во светот. Турската економија расте побрзо од европските економии“, рече Естлин.

Генералниот секретар на Здружението на турски стопанственици и индустријалци (TUSIAD), Бахадир Калеагаси, рече дека здружението има задача да го анализира раководењето, финансиите и реформите, и да креира најповолни услови за работење.

„Ги разгледуваме и сите можности со цел да пронајдеме најадекватен начин за интеграција на турската економија во Европската Унија“, рече Калеагаси.