Мајкрософт инвестира 80 милијарди долари во центри на податоци поддржани од вештачка интелигенција

ВАШИНГТОН

Американската технолошка компанија Мајкрософт објави дека планира да инвестира околу 80 милијарди долари во формирање центри на податоци поддржани од вештачка интелигенција (АИ) во 2025 година, известува Анадолу.

Извршниот директор на Мајкрософт, Бред Смит, во својот блог, под наслов „Златна можност за американската вештачка интелигенција“, истакна дека вештачката интелигенција е електричната енергија на ова доба и дека следните четири години би можеле да бидат темел на американскиот економски успех за следниот четврт век.

Смит напомена дека вештачката интелигенција ветува дека ќе поттикне иновации и ќе ја зголеми продуктивноста во секој сектор на економијата и дека Соединетите американски држави се подготвени да бидат на челото на овој нов бран на технологија, особено доколку ги удвојат своите сили и партнерите ефективно на меѓународно ниво.

Истакнувајќи дека САД водат глобалната трка во вештачката интелигенција благодарение на инвестициите на приватниот капитал и иновациите на американските компании, Смит рече дека Мајкрософт ќе инвестира 80 милијарди американски долари во формирање центри на податоци поддржани од вештачка интелигенција во 2025 година.

Тој додаде дека повеќе од половина од оваа инвестиција ќе биде вложена во САД, што ја одразува нивната посветеност кон САД и довербата во американската економија.

Смит порача дека најважниот приоритет на американската јавна политика треба да биде обезбедувањето дека приватниот сектор може да продолжи да се движи напред без тешки прописи.