Аеродромот „Истанбул“ бележи најголем пораст на патничкиот сообраќај меѓу европските „мегааеродроми“

АНКАРА (АА) - Благодарение на порастот во патничкиот сообраќај од 22,4 отсто овој април во споредба со периодот пред пандемијата, аеродромот „Истанбул“ се најде на врвот на листата на европски воздухопловни центри што пречекуваат повеќе од 40 милиони патници годишно (категоријата на големите), изјави денес турскиот министер за транспорт, јавува Анадолу.

Изнесувајќи ги податоците од Меѓународниот совет на аеродроми (АЦИ) - Европа, Абдулкадир Уралоглу рече дека аеродромот „Сабиха Ѓокчен“, кој се наоѓа на анадолиската страна на градот, е на второ место во категоријата „мегааеродроми“ што пречекуваат 25-40 милиони патници, со раст за 13,2 отсто во истиот период.

Во категоријата „мегааеродроми“, аеродромот во Анталија во турскиот медитерански туристички град се рангираше на петто место со пораст во патничкиот сообраќај од 8,6 овој април во споредба со истиот месец во 2019 година, додаде тој.

Податоците на Меѓународниот совет на аеродроми (АЦИ) - Европа покажаа дека патничкиот сообраќај низ европската аеродромска мрежа пораснал за 8,5 отсто со годишно темпо во април достигнувајќи 99,8 отсто од нивото пред пандемијата, покажаа податоците.

Лондонскиот „Хитроу“ беше најфреквентен европски аеродром, со сообраќај зголемен за 4,8 отсто годишно во април.

Аеродромот „Истанбул“ беше втор најфреквентен европски воздушен центар, со 6,6 милиони патници во април, што е за 10,5 отсто повеќе во однос на претходната година, рече Уралоглу, а потоа следуваат парискиот „Шарл де Гол“, амстердамскиот „Шипхол“ и аеродромот во Мадрид.

Тој нагласи дека со раст од 42,7 отсто на годишно ниво во карго сообраќајот, во април аеродромот „Истанбул“ покажал најдобри перформанси. Според Меѓународниот совет на аеродроми (АЦИ) - Европа, товарниот сообраќај низ европската аеродромска мрежа се зголемил за 12,4 отсто во април во однос на истиот период минатата година.