Ердоган: „Аеродромот „Истанбул“ претставува еден од симболите на целите на Турција во 2023 година"

ИСТАНБУЛ

Претседателот на Турција, Реџеп Таип Ердоган, учествуваше на церемонијата организирана по повод пуштањето во употреба на третата писта на Аеродромот „Истанбул“, и отворањето на џамијата и државната резиденција на овој аеродром, јавува Агенција Анадолија (АА).

Турскиот претседател во своето обраќање истакна дека овој нов аеродром чекор повеќе е придонес за Истанбул како светски бренд.

Ердоган нагласи дека денес e отворањето на третата независна писта, втората кула и новиот пат за такси, како и џамијата и државната резиденција.

„Овој наш аеродром кој во вистинска смисла е ремек дело во светски рамки како и од аспект на капацитетот така и од аспект на процесот на изградба, претставува еден од симболите на целите на Турција во 2023 година“, рече Ердоган.

Тој потсети дека официјалното отворање на овој аеродром е реализиран на 29 октомври во 2018 година, но дека овој аеродром со полн капацитет почна да работи од 6 април во 2019 година.

Како што рече Ердоган, до денес на овој аеродром се реализирани 423.000 летови, како и дека патувале 65 милиони патници.

Претседателот на Турција нагласи дека аеродромот „Истанбул“ со сегашната состојба има капацитет од 90 милиони патници годишно.

„Овој аеродром е изграден со план преку кој може да се прошири до 200 милиони патници годишно“, додаде тој.