„Царинскиот систем на Туркије за трговија со Израел е целосно затворен“

АНКАРА (АА)

Министерот за трговија на Туркије, Омер Болат, изјави дека царинскиот систем на Туркије е целосно затворен за трговија со Израел и додаде: „Нашата земја ќе продолжи да ги покрива потребите на угнетениот палестински народ и економски да ја поддржува праведната кауза на Палестина“, известува Анадолу.

Во врска со наводите дека трговијата со Израел продолжува, Министерот Болат го сподели одговорот на својот профил на социјалната мрежа Х.

Потсетувајќи дека сѐ додека Израел не прогласи траен прекин на огнот и не дозволи доволен и непречен проток на хуманитарна помош во Појасот Газа, во потполност ќе бидат во прекин извозните и увозните трансакции на турската влада со Израел за сите производи, почнувајќи од 2 мај 2024 година, министерот Болат наведе дека по овој датум не се регистрирани никакви царински декларации за извоз и увоз со Израел. Во објавата тој наведе дека на ист начин, нема ниту пратки од Израел кон Туркије и дека царинскиот систем во потполност е затворен за трговија со Израел.

Повикувајќи се на одлуката од 2 мај 2024 година, Болат рече:

„Во рамките на меѓусебниот договор постигнат по барање на палестинското Министерство за национална економија, со цел снабдување со производи кои ѝ се потребни на Палестина, која има приближно 6 милиони жители, покривајќи ги Западниот Брег, Источен Ерусалим и Газа, извозот е дозволен само ‘до палестински дестинации и доколку купувачот е палестински увозник’, и доколку тоа е официјално потврдено од палестинското Министерство за национална економија. Палестинското Министерство за национална економија повеќепати наведе дека овие стоки се користат исклучиво од страна на Палестина, а тоа дека предметната стока и припаѓа на нашата трговија со Палестина се гледа и од нашите трговски податоци.“

- Како функционира билатералниот трговски механизам Туркије-Палестина?

Посочувајќи дека Палестина секоја година има приближно 25 % индиректен или директен увоз од Туркије, министерот Болат рече дека од 2024 година извозот во Палестина во статистичкиот систем се внесува со сопствена шифра и палестинските набавки кои претходно влегувале регистрирани преку Израел, започнале во системот за статистика да се евидентираат со сопствената шифра на Палестина.

Зборувајќи рече дека палестинските увозници аплицираат до палестинското Министерство за национална економија за секоја пратка до воспоставениот билатерален трговски механизам Туркије-Палестина, кој со текот на времето е и зајакнат, Министерот Болат информираше дека постапките за регистрација на пратките се спроведуваат откако информациите за договорените пратки ќе бидат потврдени по електронски пат во координација со Министерството.

„Во тој контекст, палестинските компании увозници прво аплицираат до палестинското Министерство за национална економија за пратки чија дестинација е декларирана како Палестина во извозните декларации. Доколку оваа апликација се смета за соодветна, писмо за потврда издава палестинското Министерство за национална економија по електронски канал до нашата земја. Регистрацијата на царинските декларации за предметниот извоз е дозволена од страна на царинските органи само доколку доставеното писмо за потврда е направено во рамките на овој процес и е одобрено по извршените проценки за производите“, наведе министерот Болат.

- „Туркије ќе продолжи да ја поддржува Палестина“

Министерот Болат истакна дека увозот во Туркије од Палестина е можен доколку барањето за извоз од страна на палестинските извозници е одобрено од палестинското Министерство за национална економија, кое тоа потоа го проследува до Туркије и има документ за одобрување со кое се потврдува дека Палестина е земја на потеклото.

Дополнително, наведувајќи дека трансакциите за увоз и извоз во Палестина од слободните зони и магацини можат да се спроведат по потврдата во рамките на истиот механизам за електронско одобрување, министерот Болат во објавата вели:

„Нашата земја ќе продолжи да ги задоволува потребите на угнетениот палестински народ и економски да ја поддржува праведната кауза на Палестина“.