Скопје со 34 степени најтопол град во Европа, во Марибор само 15 степени Целзиусови

СКОПЈЕ (АА) - Со измерени 34 степени Целзиусови напладне, Скопје денес беше најтоплиот главен град во Европа, јавува Anadolu Agency (AA).

Во истовреме, во главниот град на Албанија беа измерени 33 степени Целзиусови, во главниот град на Црна Гора, Подгорица, 32 степени Целзиусови, во Мостар 31 а во главните градови на Босна и Херцеговина и на Србија, Сараево и Белград, беа измерени по 30 степени Целзиусови.

И додека жителите на Западен Балкан, односно југоисточна Европа продолжуваат да уживаат во температурите од над 30 степени, истовремено западните делови бележат многу ниски температури.

Така, во главните градови на Хрватска и на Словенија, Загреб и Љубљана се измерени по 17 степени, а во Марибор само 15 степени Целзиусови.