Admir Fazlagic
22 Ноември 2020•Ажурирај: 23 Ноември 2020
СКОПЈЕ
Во Република Северна Македонија во последните 24 часа регистрирани се 1.112 нови случаи на коронавирусот (Ковид-19), со што вкупната бројка на регистрирани случаи на овој вирус во земјата се искачи на 54.743, пренесува Агенција Анадолија (АА).
Министерството за здравство соопшти дека од последиците на Ковид-19 во последното деноноќие се починати 24 лица, а вкупната бројка на починати во земјата од последиците на овој вирус изнесува 1.511.
Денеска Институтот за јавно здравје регистрира 709 оздравени пациенти од Ковид-19, со што вкупната бројка на оздравени лица од овој вирус во земјата се искачи на 32.366.
Бројот на активни случаи на Ковид-19 во земјата изнесува 20.866.
Министерството за здравство информира дека во последните 24 часа се направени 2.553 тестирања на Ковид-19, а досега во земјата се направени вкупно 312.143 тестирања на овој вирус.
