Северна Македонија пристапува на министерскиот состанок на Јадранско-јонскиот совет

ЗАГРЕБ (АА) - На седницата на хрватската Влада е прифатен текстот на Будванската декларација која дава поддршка на процесот на вклучување на Република Северна Македонија во министерскиот состанок на Јадранско-јонскиот совет, јавува Anadolu Agency (AA).

Со Будванската декларација се прифаќа барањето на Сан Марино за влез во членство во Јадранско-јонската иницијатива (JJI). Хрватската Влада го прифати нацртот на Будванската декларација, која на Владата на Република Хрватска ја достави Министерството за надворешни и европски работи (MVEP).

Министерскиот состанок ЈЈИ/ЕУСАИР ќе се одржи на 8 мај 2019 година во Будва, кога во име на владите на земјите членки ќе биде усвоена Будванската декларација.

„Припадноста на Јадранско-медитеранскиот простор е еден од важните елементи на хрватскиот идентитет, и важно е учеството и унапредувањето на работата на оваа иницијатива“, рече хрватската министерка за надворешни работи и европски прашања, Марија Пејчиновиќ-Буриќ, на денешната седница на хрватската Влада.

Состанокот, кој на 7 и 8 мај ќе се одржи во Будва, со оглед на тоа што Црна Гора е претседател во Јадранско-јонската иницијатива, вклучува проширување на Јадранско-јонскиот регион, кој денес опфаќа 70 милиони жители, со што Република Северна Македонија ќе пристапи кон стратегијата, а во Јадранско-јонската иницијатива ќе влезе и Сан Марино.

Јадранско-јонскиот совет е најважно тело на Јадранско-јонската иницијатива, која ја сочинуваат министрите за надворешни работи на земјите членки. Се одржува состанок еднаш годишно и се одлучува за сите темелни и специфични прашања, вклучувајќи ги подрачјата и облиците на соработка на земјите учеснички во Иницијативата, соработката со останатите меѓународни организации и иницијативи, и се дискутира за политичките прашања во регионот.

Активностите на експертите од одредени подрачја на соработка од интерес за членките на Јадранско-јонската иницијатива се одвиваат преку состаноци на пет тркалезни маси: транспортни и енергетски врски, одржлив туризам и култура, универзитетска соработка, заштита на животната средина и цивилната заштита, и поморската соработка.

Јадранско-јонската иницијатива е основана во Анкона на 20 мај 2000 година, а следната година ја одбележува 20-годишнината од своето постоење, при што Хрватска е членка на оваа иницијатива уште од втората година од своето постоење, кога нејзиното членство започна со претседавање.

Членки на иницијативите се: Грција, Хрватска, Италија, Словенија, Албанија, Босна и Херцеговина, Црна Гора, Србија и Северна Македонија

Црна Гора претседава со Иницијативата од јуни 2018 до мај 2019 година, а по Црна Гора, претседателството го презема Србија.