СКОПЈЕ
Група студенти во Северна Македонија дистрибуираа сапуни направени со свои средства од растителни екстракти од кои се појавуваат играчки во текот на употребата, јавува Агенција Анадолија (AA).
Студентот Емирхан Бели (19) за АА изјави дека овој проект го започнале во Турција.
„Ние го произведуваме овој производ со ендемски растителни екстракти во Малатија. Тој е антисептички производ на ниво од 95 проценти“, рече Бели.
Тој рече дека за проектот е известено Министерството за млади и спорт на Турција и дека добиле поддршка од многу општини во Турција.
„Имаме лабораторија која добива поддршка од општината. Ние го произведуваме ова доброволно. Ги дистрибуираме овие хигиенски комплети доброволно за приближно 25.000 деца во 26 области и вршиме обука“, рече Бели.
Тој рече дека станува збор за медицински сапун.
„Карактеристика на овој сапун е тоа што децата ги мијат рацете и на него се појавуваат биоразградливи играчки“, рече Бели, додавајќи дека оваа активност има за цел да им ја всади на децата навиката да ги мијат рацете и да ја подигнат свеста во врска со хигиената.
Четворицата студенти кои учествуваа во дистрибуцијата на производите во основното училиште „Мустафа Кемал Ататурк“ во селото Долно Количани се на подготвително ниво на студии на Меѓународниот балкански универзитет (IBU) во Скопје.
Бели најави дека ќе посетат други земји за да ги дистрибуираат своите хигиенски комплети.
„Во понеделник ќе одиме на Косово. Таму ќе посетиме странско училиште или 3-4 училишта и ќе дистрибуираме 2.000 сапуни и ќе спроведеме обука“, додаде тој.
Производот е произведен од почетокот на пандемијата од Ковид-19, нагласи Бели.
„Иницијативата е спонзорирана од државата. Планираме ова да го претвориме во производство“, додаде тој.
