Dildar Baykan Atalay
23 Ноември 2021•Ажурирај: 23 Ноември 2021
ВАШИНГТОН (АА) - Американскиот советник за национална безбедност, Џејк Саливан, на средбата со високиот претставник за Босна и Херцеговина. Кристијан Шмит, ја изрази американската поддршка за суверенитетот и територијалниот интегритет на Босна и Херцеговина, пренесува Агенција Анадолија (АА).
Емили Хорн, портпаролката на Советот за национална безбедност на Белата куќа, во писмена изјава соопшти дека Саливан и Шмит одржале средба.
Наведувајќи дека Саливан ја дал американската поддршка на високиот претставник и спроведувањето на Дејтонскиот мировен договор, Хорн рече: „Саливан и Шмит ја повторија нивната заедничка посветеност кон суверенитетот и територијалниот интегритет на Босна и Херцеговина.“
Хорт истакнувајќи дека двајцата претставници се согласиле за потребата од борбата против корупцијата и поддршка на граѓанското општество во земјата, додаде: „Саливан и Шмит разговараа за важноста на функционирањето на институциите со цел да се обезбедат услуги, стабилност, владеење на правото, и да се обезбеди мир и економска можност за сите луѓе на Босна и Херцеговина.“
