СКОПЈЕ (AA) - Претседателот на Партијата за големо единство (BBP) од Турција, Мустафа Дестиџи, во рамките на посетата на Северна Македонија се сретна со амбасадорот на Турција во Северна Македонија, Фатих Улусој, јавува Анадолу.

На состанокот одржан во амбасадата во Скопје, на којшто домаќин беше амбасадорот Улусој, беа разгледани односите меѓу Турција и Северна Македонија.

Во изјавата што ја даде за новинарите по состанокот Дестиџи изрази желба на Балканот да има мир и да не се повторат болките што се доживеани во минатото.

Нагласувајќи дека Република Турција се обидува да ги развива своите односи со земјите од регионот на највисоко ниво и на позитивен начин, давајќи им приоритет на своите сонародници тука, Дестиџи изрази задоволство од постигнатиот успех во оваа насока.

Говорејќи за балистичката ракета што влезе во воздушниот простор на Турција, Дестиџи рече: „Во првиот случај Турција пристапи попозитивно, но кога се случи вториот, стана јасно дека треба да бидеме во готовност и повнимателни. Фактот дека нешто слично се случило на територијата на Азербејџан значи дека нашата готовност или мерки треба да се подигнат на повисоко ниво.“

Исто така, Дестиџи ја нагласи важноста на изјавите дадени вчера од турскиот претседател Реџеп Таип Ердоган и Министерство за надворешни работи во врска со ова прашање.

Нагласувајќи дека Турција ја зајакнува соработката на Балканот, Дестиџи рече: „Ние ги реализираме овие посети во согласност со оваа политика на нашата држава. Во исто време, во согласност со мисијата на Големо единство, ќе продолжиме да бидеме тука, да не ги оставаме нашите браќа сами и секогаш да бидеме покрај нив.“