Премиерот на Албанија, Рама, со честитки до Ердоган за победата на изборите

ТИРАНА (АА) - Премиерот на Албанија, Еди Рама, упати честитки до турскиот претседател Реџеп Таип Ердоган за победата на претседателските избори во Туркије, пренесува Анадолу.

„Честитки за победата, почитуван Претседателе“, напиша Рама на социјалните мрежи во порака на турски и албански јазик.

Рама во својата објава објави и фотографија на Ердоган.

Ердоган води со 53,41 отсто од гласовите, додека опозицискиот кандидат Киличдароглу има 46,59 отсто од пребројани 75,42 отсто гласови, изјави Ахмет Јенер, претседателот на Врховната изборна комисија на Туркије (ЈСК).