Поточари: По џеназе-намазот закопани 19 жртви од геноцидот во Сребреница

Денес во Меморијалниот центар во Поточари, Сребреница, се клањаше џеназе-намазот и потоа беа закопани 19 жртви од геноцидот извршен во 1995 година во Сребреница, јавува Агенција Анадолија (АА).

Џеназе-намазот беше предводен од страна на поглаварот на Исламската заедница на Босна и Херцеговина, Хусеин Кавазовиќ.

На комеморативниот настан по повод 26-годишнината од геноцидот во Сребреница учествуваа илјадници лица.

По џеназе-намазот, се одржа верска програма, а по неа беа прочитани имињата напишани на ковчезите.

Најмладата жртва што беше закопана во Меморијалниот центар во Поточари е Азмир Османовиќ, кој имаше само 16 години кога бил ликвидиран.

Најстарата жртва е 63-годишно машко лице, Хусеин Курбасиќ, кој исто така е закопан во Меморијалниот центар во Поточари.