ПРИШТИНА (AA) - Косовската полиција уапси четири лица за кои се сомнева дека илегално ја преминале границата од Албанија кон Косово, пренесува Анадолу.

Според официјалното соопштение, во селото Арлат, Општина Дренас, околу 13:30 часот е запрено возило со албански регистарски таблички, при што при контрола во возилото биле пронајдени двајца Белоруси и еден Русин, додека возачот бил државјанин на Република Албанија.

Сите четворица осомничени се уапсени на местото на настанот, а по одлука на јавниот обвинител се ставени во притвор.

„Косовската полиција во рамките на својата работа и активности го запре возилото со албански регистарски таблички управувано од осомничен машки државјанин на Албанија. Во возилото биле и тројца осомничени мажи, двајца државјани на Белорусија и еден државјанин на Русија, кои илегално ја преминале границата Албанија - Косово“, стои во извештајот на Косовската полиција.

Сите четворица осомничени се очекува да се соочат со соодветни законски постапки.