Заменик министерот за култура и туризам на Турција Демирџан се сретна со издавачите во Северна Македонија

СКОПЈЕ

Заменик министерот за култура на Република Турција Ахмет Мисбах Демирџан се сретна со издавачи, како дел од неговите контакти во Северна Македонија, известува Агенција Анадолија (АА).

Демирџан, кој претходно го посети претставништвото на ТРТ во Скопје, од Омер Рахми Серим, претставник на ТРТ Скопје, беше информиран за активностите на институцијата во земјава.

Во заедничка изјава за ТРТ и АА, Демирџан даде оценки за неговите средби кои ги покриваат Северна Македонија, Косово и Србија.

Изразувајќи дека од аспект на турската култура, балканските простори се од големо значење, Демирџан истакна дека Балканот поседува многу интензивни заедничките културни вредности, заедничко минато, тука се сонародниците и сродните заедници.

Потенцирајќи дека како Министерство за култура и туризам на Турција не постои можност да се оддалечат од Балканот, Демирџан истакна дека спроведуваат многу активности и преку институциите Јунус Емре, ТИКА и Консултантските канцеларии за култура и туризам.

Потсетувајќи дека како Министерство за култура и туризам оствариле низа контакти на Балканот, во Косово, Северна Македонија и Србија, особено на полето на кинематографијата и издаваштвото, Демирџан продолжи со зборовите:

„Наша цел е да најдеме платформа која ќе ги истакне копродукциите, заедничките фестивали, меѓусебната интеракција и ќе ги зајакне овие врски, особено преку кинематографијата. Како што знаете, турската кинематографска индустрија е многу моќна. Извезуваме кинематографски проекти во 152 земји. Затоа, за нас е многу важно да ја консолидираме основата на овој простор на кој му припаѓаме. Токму сега, овде во Северна Македонија, се сретнавме со преведувачи и издавачи кои веќе од турски јазик ја преведоа нашата култура на тукашните јазици, и тукашното турско наследство го преведоа на турски јазик. Колку се поголеми и поквалификувани културните интеракции, толку се посилни и поефикасни врските меѓу нив.“

Информирајќи за подготовките за организирање на Балканскиот филмски фестивал, кој ќе се одржи во Истанбул на крајот на годината, Демирџан потсети дека во минатото го организирале филмскиот фестивал „Коркут Ата“ наменет за турскиот свет.

„Да, тој фестивал можеби личи на филм или проекција, но со самитот и состаноците зад себе, тој всушност укажува на една културна средба. Нешто слично планираме и на Балканот кон крајот на оваа година. Затоа ние сме тука да ги најдеме нашите партнери во овие земји, да ги запознаеме луѓето со кои би соработувале и да видиме кого да поканиме, и според тоа да заземеме соодветни позиции. Без тоа, не може да се направи квалитетна и добра работа. Затоа сосема е јасно дека нашата цел не може да се постигне без културата, кинематографијата, медиумите, особено не без вашето посредништво. Во тој контекс ние сме тука“, рече Демирџан.

Заменик министерот Демирџан подоцна се сретна со издавачите и размени идеи за заеднички проекти.