Амбасадата на Турција во Скопје обезбеди бесплатни здравствени прегледи за граѓаните на Северна Македонија

СКОПЈЕ (АА) - Амбасадата на Турција во Скопје обезбеди бесплатни здравствени прегледи во одредени подрачја во западниот дел на Северна Македонија наменета за стари лица, деца и жени што живеат во рурални подрачја и немаат пристап до здравствена нега, пренесува Агенција Анадолија (АА).

Во соопштението објавено на фејсбук-страницата на Амбасадата на Турција во Скопје се наведува дека организацијата е реализирана заедно со болницата „Санте Плус“, која, според соопштението, е турска инвестиција во областа на здравството во Северна Македонија.

Се наведува дека здравствените прегледи се реализирани во Центар Жупа и во селото Броштица, во западниот дел на земјата.

„Упатуваме благодарност до управителите и здравствените работници на болницата кои го реализираа овој проект за општествена одговорност за кој имаше голема заинтересираност“, се истакнува во соопштението на турската Амбасада во Скопје.

Меѓу другото, во соопштението на болницата „Санте Плус“ се вели дека во кампањата биле вклучени 3 амбулантни возила, додека за над 100 лица се обезбедени различни здравствени услуги, како ЕКГ, гинеколошки прегледи, скрининг со ултразвук, педијатриски прегледи и анализи на крвната слика.