БЕРАТ (АА) – Албанскиот премиер Еди Рама изјави дека вештачката интелигенција (ВИ) во блиска иднина може да биде интегрирана во процесите на одлучување на владата, известува Анадолу.

Премиерот Рама, на настанот што се одржа во градот Берат, каде што учествуваше на програмата заедно со претставниците на компании од областа на технологијата, иновациите и претприемништвото, нагласи дека ВИ може да ја зголеми транспарентноста и ефикасноста во јавната администрација.

„Многу брзо, вештачката интелигенција може да стане најефикасниот член на владата. Еден ден можеби ќе имаме министерство целосно управувано од ВИ. Така нема да има ниту врски, ниту судир на интереси“, рече премиерот Рама.

Иако засега немаат преземено официјални чекори во таа насока, премиерот Рама нагласи дека оваа идеја треба сериозно да се разгледа.