спорт

Дебати за расизмот во англискиот фудбал

Поранешниот фудбалер на Манчестер Јунајтед, Фил Невил, поради расистичките напади ги повика фудбалерите да ги бојкотираат социјалните медиуми

Yunus Kaymaz   | 21.08.2019
Дебати за расизмот во англискиот фудбал

ИСТАНБУЛ (АА) – Продолжуваат реакциите за расистичките напади против францускиот фудбалер Пол Погба, играч на Манчестер Јунајтед од англиската Премиер лига, пренесува Anadolu Agency (AA).

Во ремито 1 : 1 со екипата на Вулверхемптон, во натпреварот од Премиер лигата, Погба промаши пенал, и затоа беше цел на расистички напади во социјалните медиуми. Погба доби поддршка од Фил Невил, поранешниот играч на Манчестер Јунајтед.

Четириесет и двегодишниот Невил, кој ја води женската репрезентација на Англија, истакнувајќи дека и играчите од репрезентациите се вознемирени, преку социјалните медиуми нагласи: „Твитер и Инстаграм ништо не преземаат во однос на тоа. Ве информираат дека водат истрага за темата и нема никакви резултати. Треба да ги затвориме своите профили на шест месеци и да испратиме силна порака и да ги видиме резултатите од тоа.“

Исто така и Тами Абрахам, кој го промаши последниот пенал на Челси на натпреварот во Супер купот, и фудбалерот на Рединг, Јаку Меите, кој минатата недела промаши пенал, истакнаа дека се изложени на расистички напади во социјалните медиуми.


На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.