ЊУ ДЕЛХИ (АА) - Една од најголемите депонии во Индија, позната како „планината од отпад на Њу Делхи“, привлекува внимание на Светскиот ден на животната средина 2025 година, кој се одбележува под мотото за борба против загадувањето со пластика, јавува Анадолу.

Депонијата Газипур во главниот град, Њу Делхи, се протега на речиси 70 хектари и се издига на околу 61 метар, содржи над 14 милиони тони акумулиран отпад.

Според Програмата на Обединетите нации за животна средина (УНЕП), загадувањето со пластика стигнало до секој агол на планетата - дури навлегувајќи во човечките тела.

Експертите нагласуваат дека одржливото управување со отпадот и построгите политики за животна средина се од суштинско значење за справување со кризата.