АНКАРА (АА) - Јапонската нафтена компанија Енеос престана да увезува нафта од Русија, објави руската државна новинска агенција Тасс, пренесува Агенција Анадолија (АА).

Компанијата планира да ги замени руските нафтени залихи од повеќе различни региони, вклучувајќи го и Блискиот Исток, наведува Тасс.

Руската сурова нафта сочинува околу три отсто од вкупниот увоз на нафта во Јапонија.

Владите и големите компании од различни сектори низ светот најавија стопирање на работењето и повлекување од рускиот пазар од 24 февруари, откако Русија ја започна воената офанзива врз Украина.

Западните земји воведоа санкции и за стотици руски компании и поединци.