ВАШИНГТОН (АА) - Претседателот на Соединетите Американски Држави (САД), Доналд Трамп, соопшти дека министерот за правда, Бил Бар, ќе ја напушти функцијата на 23 декември, а функцијата ќе ја преземе заменик-министерот за правда Џеф Розен, пренесува Агенција Анадолија (АА).

Трамп, на својот профил на Твитер, истакнувајќи дека имал состанок со Бар во Белата куќа, рече дека двајцата имале добра соработка и дека Бар работел многу добро.

Осврнувајќи се на писмото со оставката на Бар, Трамп напиша: „Според писмото, Бар ќе ја напушти функцијата пред Божиќ за да може празниците да ги мине заедно со своето семејство. Заменик-министерот за правда, Џеф Розен, кој е истакнато лице, ќе ја извршува должноста министер за правда.“

Претседателот Трамп најави дека Ричард Донахју ќе ја преземе функцијата заменик-министер за правда.

- Трамп го критикуваше Бар поради тоа што не започна истрага за Хантер Бајден -

Американскиот претседател Трамп долго време го критикуваше Бар затоа што не започна истрага за односите на синот на Џо Бајден, Хантер Бајден, со Кина и Украина пред изборите на 3 ноември.

Трамп, исто така, остро ги критикуваше изјавите на Бар дека „нема измама на изборите“ и тврдеше дека Бар не го поддржувал.