ЖЕНЕВА (АА) - Генералниот директор на Светската здравствена организација (СЗО), Тедрос Аданом Гебрејесус, повика на прекин на крвопролевањето во Судан поради тековните судири меѓу армијата и Силите за брза поддршка (РСФ), известува Анадолу.

На оваа тема Гебрејесус сподели објава на платформата на социјалните медиуми на американската компанија X.

Изразувајќи жалење за веста за убиството на докторот Адам Ибрахим Исмаил во Ел-Фашир, Судан, Гебрејесус во објавата наведе:

„СЗО жали за д-р Исмаил и бара прекин на насилството врз здравствените работници. Треба да се стави крај на крвопролевањето во Судан.“

Гебрејесус нагласи дека мирот е најдобар лек.

Д-р Исмаил работеше во саудиската болница во градот Ел-Фашир.

- Конфликтот во Судан

Од 15 април 2023 година Судан е место на жестоки борби меѓу армијата и РСФ, кои се поддржани од странство.

Ел-Фашир, најголем град во регионот Дарфур на западот на земјата, во голема мера се најде под контрола на РСФ по жестоките борби.

На видеата споделени од членовите на РСФ забележани се моментите во градот кога десетици илјади луѓе бегаат од борбите, а РСФ насилно ги раселуваат цивилите, ги убиваат и измачуваат многубројните невооружени луѓе.