МОСКВА (АА) - Русија денес соопшти дека нејзините сили ја презеле контролата врз уште едно населено место во источниот украински регион Донецк, пренесува Анадолу.

Селото Александро-Калинове падна под контрола на Русија по операциите спроведени од единиците на групата сили Јиг (Југ), соопшти Министерството за одбрана.

Министерството додаде дека Украина одговорила со воздушни напади со употреба на дронови - 338 од нив биле соборени и блокирани во текот на ноќта.

Украина сè уште нема одговорено на тврдењата на Москва, а независната верификација е тешка поради тековниот вооружен конфликт.