АБУЏА / ИСТАНБУЛ (АА) - Најмалку 25 лица загинаа кога патнички брод се преврте во река Нигер, во нигериската сојузна држава Нигер, објавија медиумите денес, известува Анадолу.

Бродот превезувал патници од регионот Муња и потонал во областа Широро. Според првичните извештаи загинале најмалку 25 лица, а десетици се водат за исчезнати.

Властите соопштија дека операциите за пребарување и спасување се во тек, но стравуваат дека бројот на загинати може да се зголеми.

Се преземаат напори за пронаоѓање и спасување на исчезнатите патници, изјави официјален претставник, кој на новинарите не им даде податоци за бројот на патници на бродот.

Несреќите со бродови се честа појава во Нигерија за време на дождовната сезона, особено на реките и езерата што се користат за транспорт.