ГАЗА (АА) - Ахмeд Махмуд Камил Ебу Секер, кој живее во бегалскиот камп Ал-Буреjџ во централниот дел на Појасот Газа, се обидува да ја заборави својата болка и да им донесе радост на децата работејќи како кловн, јавува Анадолу.

Ебу Секер (28) ги загуби таткото, сестрата, внуците и својот дом во израелските напади, и покрај болката што ја доживеа, тој сака да ги насмее оние околу него.

И покрај тешкотиите со кои се соочи тој продолжува да им пркоси на сите животни потешкотии. Пред нападите, тој избрал да ги забавува децата со својата професија.

Иако срцето на Абу Секер е исполнето со тага поради израелските напади, тој не се откажал од својата мисија да „ги насмее и да ги направи оние околу него среќни“.

Живеејќи сам во својот тешко оштетен дом, Ебу Секер наоѓа утеха во смеата на своите деца и ги одржува спомените живи на своите изгубени внуци.

„Кога ги правам децата среќни, излегувам и од сопствената ситуација. Среќен сум кога ги правам децата среќни со едноставните костими што ги носам и кога сум со нив. Тешко ми е, но се обидувам да бидам свој“, вели тој.

Абу Секер рече дека ги ископал кловновските костими од под урнатините и дека дури и овие едноставни предмети им носат радост на децата. „Ова се многу обични костими, но ги прават децата среќни. Децата треба да се смеат. Јас самиот треба да се смеам повеќе од нив, се обидувам да ги насмеам. Каде и да работам, се сеќавам на моите внуци“, рече тој, додавајќи дека сеќавањата на неговиот татко, сестра и внуци се сè уште живи.