АНКАРА (АА) - Извршниот директор на Твитер, Џек Дорси, истакна дека одлуката за затворање на профилот на американскиот претседател Доналд Трамп е правилна, пренесува Агенција Анадолија (АА).

Дорси во изјавата објавена на својот профил на Твитер рече дека не се горди што профилот на Трамп е блокиран, но верува дека тоа е правилна одлука за Твитер.

Истакнувајќи дека освен во некои исклучоци, затворањето на профил на Твитер би значело неуспех, Дорси рече: „Се соочивме со вонредна ситуација и моравме да се фокусираме на јавната безбедност.“

Тој наведе дека е свесен за моќта на Твитер и дека оние што не ги применуваат правилата што се дадени може да одат на други платформи.

Нагласувајќи дека Твитер не бил сам во својата одлука да се затвори профилот на Трамп, Дорси посочи дека и други платформи како што се Јутјуб, Инстаграм и Фејсбук презеле слични чекори, сметајќи ги изјавите на Трамп за опасни.

„Откако социјалните медиуми Фејсбук и Инстаграм го блокираа пристапот до профилот на Трамп на неодредено време, Твитер направи сличен чекор и ја суспендираше сметката на Трамп на неодредено време со образложение дека поттикнува на насилство“, нагласи извршниот директор на Твитер.

Истакнувајќи дека политичката криза, која започна со влегувањето на приврзаниците на Трамп во американскиот Конгрес расте, Дорси рече дека повиците за оставка и разрешување на Трамп се зголемуваат.