БЕРЛИН (АА) — Европската Унија (ЕУ) мора да создаде партнерства со земји како Турција, Индија и Бразил за да се справи со глобалните предизвици, изјави денес германскиот канцелар Фридрих Мерц, јавува Анадолу.

Во обраќањето на Минхенската безбедносна конференција, Мерц рече дека поблиската интеграција меѓу членките на ЕУ и врските со Соединетите Американски Држави, иако се важни, повеќе не се доволни за справување со денешните економски и безбедносни предизвици.

„Треба да воспоставиме силна мрежа на глобални партнерства“, рече Мерц. „Канада и Јапонија, Турција, Индија и Бразил ќе играат клучна улога во ова, како и Јужноафриканската Република, земјите од Персискиот Залив и други.“

Лидерот на конзервативците нагласи дека ЕУ треба да ја зајакне соработката со овие земји врз основа на меѓусебно почитување и долгорочна перспектива, фокусирајќи се на заедничките загрижености.

„Ова би ја избегнало зависноста и ризиците, а во исто време би отворило можности и за двете страни“, рече Мерц. „Споделуваме фундаментален интерес за политички поредок во кој можеме да веруваме во договорите и во кој сме во можност заедно да се справиме со глобалните проблеми.“