ХАСЕКЕ/АНКАРА (АА) - МОХАМАД МИСТО / ЕТЕМ ЕМРЕ ОЗЏАН - Специјалниот претставник на Соединетите Американски Држави (САД) за Сирија, Џејмс Џефри, на средбата со водачите на терористичката организација ЈПГ/ПКК и со претставниците на Курдскиот национален совет (ENKS) истакнал дека Турција во регионот повеќе нема да организира операција, јавува Агенција Анадолија (АА).

Според информациите добиени од локални извори, Џефри вчера во Хасеке и Деир ез-Зор во Сирија се состанал со водачите на ЈПГ/ПКК и со претставниците на Курдскиот национален совет (ENKS) .

Во разговорите во Хасеке, Џефри од претставниците на ЈПГ/ПКК побарал веднаш да постигнат договор и дал уверување дека Турција во регионот нема да организира нова операција против терористичките организации.

Тој, исто така, се состанал со таканаречениот воен совет и членовите на локалниот совет на ЈПГ/ПКК во Деир ез-Зор.

За време на состанокот, нагласувајќи ја важноста на спокојството во регионот, американскиот претставник Џефри истакнал дека треба да им се обезбедат услуги на населението од регионот.