ВАШИНГТОН (АА) – Соединетите Американски Држави (САД) извршија напади врз два брода за кои тврдат дека вршеле шверц на наркотици во источниот дел на Тихиот Океан, соопшти Јужната команда на САД (SOUTHCOM), пренесува Анадолу.

Операцијата била изведена вчера под директива на министерот за одбрана Пит Хегсет во меѓународни води од страна на Заедничката оперативна група „Јужно копје“.

„Разузнавањето потврди дека бродовите транзитирале по познатите маршрути за наркотрговија во Источниот Пацифик и биле вклучени во операции за шверц на наркотици“, се вели оттаму.

„Вкупно пет машки наркотерористи се убиени за време на овие акции - тројца во првиот брод и двајца во вториот брод. Ниеден член на американските воени сили не беше повреден“, се вели во соопштението објавено на американската компанија за социјални медиуми X.