ИСТАНБУЛ (АА) - Русија успешно лансираше 52 сателити во вселената со ракетата „Сојуз-2.1б“, објави вчера руската вселенска корпорација „Роскосмос“, јавува Анадолу.

Според Роскосмос, лансирањето на ракетата, која носеше два сателити Аист-2Т заедно со 50 други, е извршено од космодромот Восточни во далечната источна област Амур во Русија.

Сателитите се наменети за низа мисии, вклучувајќи далечинско набљудување на Земјата, истражување на електромагнетното зрачење, следење на глобалниот превоз, примање сигнали од предаватели на интернет на нештата и проучување на влијанието на вселенските услови врз живите организми.

Двата сателити Аист-2T се дизајнирани да вршат 3Д снимање на површината на планетата за да создадат дигитални модели на теренот и да следат вонредни ситуации како што се пожари, поплави и вулканска активност, според Роскосмос.