СКОПЈЕ (АА) - Дипломатски хуманитарен базар за помош по повод Светскиот ден на детето се одржа во Скопје, известува Анадолу.

Настанот, организиран од страна на здружението „Добредојде“ - Македонскиот центар за добредојде, се одржа со поддршка на бројни амбасади и организации, вклучувајќи ја и Турската амбасада во Скопје и Институтот Јунус Емре.

На настанот на кој амбасадите во Северна Македонија и разни организации ги претставија производите на своите земји, присуствуваа и претседателката на Северна Македонија, Гордана Силјановска-Давкова, и турскиот амбасадор во Скопје, Фатих Улусој.

Емилија Миладинова Аврамчева, претседателка на здружението „Добредојде“, на новинарите им изјави дека овој настан го организираат веќе 15 години.

Зборувајќи за причината на организирањето на дипломатскиот хуманитарен базар, Аврамчева истакна:

„Целта на овој дипломатски базар е да се одбележи меѓународниот ден на детето. Меѓутоа исто така и да собереме одредени средства кои ќе бидат поддршка на децата. Оваа година средствата ќе одат за реновирање или подобрување на хигиенските услови во тоалетите две основни училишта.“

Аврамчева објасни дека овој настан, организиран со поддршка на над 20 амбасади, има за цел да ги промовира културите, историјата и традициите на земјите.

Во рамките на програмата, за децата беше подготвена посебна музичка програма, а на претседателката Давкова ѝ беше доделен сертификат за укажаната поддршка.

На гостите кои купија билети за програмата учествуваа во томбола со разни награди, вклучувајќи и лет на Туркиш ерлајнс до Истанбул.