ПРИШТИНА (AA) – Едно лице е уапсено по наредба на Специјалното обвинителство од страна на Полицијата на Косово – Одделот за борба против тероризам, во доцните вечерни часови, под сомнение за поттикнување раздор и нетрпеливост, пренесува Анадолу.

Обвинителството соопшти дека според првичните сомневања, осомничениот со иницијали Д.З. наводно пред неколку дена, на јавен простор во Јужна Митровица, го осквернавил знамето на Турција.

„Д.З. се сомничи и за кривично дело неовластено држење, контрола или поседување оружје“, се наведува во соопштението.

Понатаму се наведува дека осомничениот е задржан 48 часа, додека истрагата продолжува во координација со Полицијата на Косово – Регионалниот сектор за истраги во Јужна Митровица и секторот за истраги на Дирекцијата за борба против тероризам.