نوێژی جەژنی رەمەزان لە ھەولێرخوێندرا

ھەولێر- AA

ئەمڕۆ لە مزگەوتەکانی شاری ھەولێر سەرەتا بە چەند ئایەتێکی قورئان و دواتر تەکبیری جەژن، نوێژی جەژن خوێندرا و لە نێو مزگەوتەکانی ھەولێر رێژەیەکی بەرچاو ئاوارە ھەبوون کە لەگەڵ خەڵکی ھەرێمی کوردستان نوێژیان خوێند دواتر پیرۆزبایی ئەو جەژنەیان لە یەکتری دەکرد.

ئیمامی مزگەوتەکە مەلا بەشیر خەلیل لە گوتارەکەیدا باسی لە یەکگرتنەوەی ناوخۆی و ئاشتی لە ھەرێمی کوردستان و جیھان کرد و ئاماژەی بەوەشکرد: "جەژن مانای خۆشی و نزیکبوونەوەیە بە خوای میھربان و ئەمڕۆ رۆژی لێبوردەییە و پێویستە رۆژی ئاشتی کۆمەلایەتی بێت و
و ھەرچەندە ئێستا جەژنە بەڵام لە دڵمان خەم و خەفەت ھەیە کە لە جیھانی ئیسلامی و لە ناوچەی خۆمان بەتایبەتی خەڵکی ھەرێم لە ئازاردان ئەویش بەھۆی شەڕی تێرۆر و قەیرانی دارایی کە بەرۆکی ھەرێمی گرتووەتەوە".

دکتۆر بەشیر ھەروەھا گوتی: "لە ھەموو شوێنێک خوێنڕشتن و کوشتن ھەیە و ئەوە نیشانەی ئەوەیە کە دژمنانی ئەو ئایینە لە ھەموو جیھان بڵاون و پێویستە ھەموو وڵاتانی جیھان یەکدەست بن و ھەروەھا ھەرێمی کوردستان ماوەیەکی درێژە کە رووبەڕووی تیرۆر دەبێتەوە و شەھید و برینداری زۆرمان ھەیە و پێشمەرگە تەنیا بەرگری لە ھەرێمی کوردستان ناکات بەڵکو پێشمەرگە لە عێراق و لە ھەموو ناوچەی رۆژھەڵاتی ناوەڕاست و ھەموو جیھان دەکات".

ھەروەھا ئیمامی مزگەوتی جەلیل خەیات گوتی: "لە ئێستادا کە دەوروبەرمان ھەمووی ئاگرە پێویستە نێو ماڵی خۆمان رێکبخەین و بەرژەوەندییە تایبەتییەکان بخەینە بن پێ و ھەموومان ھەست بەو مەترسییە گەورەیە بکەین کە رووی ئێمە دەبێت لەلایەک بەغدا و لە لایەکی دیکە دەوڵەتانی دەوروبەر و لەلایەکی دیکەوە تیرۆریستان، ئەمە ھەمووی زەنگی مەترسیدارە کە بەئاگا بێین".

مەلا بەشیر لە کوتاییدا گوتی: "داوا لە سەرۆکی ھەرێمی کوردستان دەکەم کە مەسڵەحەت و ئاشتەواییەکی نیشتمانی رابگەیەنێت و پێویستە ھەموولایەک تەنازل بکەن و لە ئێستادا قەیرانەکان گەیشتوونەتە ئاستێک کە بەرۆکی خەڵکی گرتووە و ئومیدەوارین دوای جەژن ھەموو لایەنەکان لە گەڵ یەک دانیشن".

پارێزگای ھەولێر نوزاد ھادی لە مزگەوتی جەلیل خەیات پیرۆزبایی جەژنی رەمەزانی کرد و بۆ ئاژانسی ئانادۆڵو گوتی: "ھەروەک لە مزگەوت دیارە کە بە سەدان خەڵکی ئاوارە لەگەڵ ئێمە بوون و پێکەوە نوێژی جەژنمان خوێند و ئەوش نیشانەی ئەوەیە لە ھەرێمی کوردستان ئارامی ھەیە و ھەموو کەسێک رووی تێدەکەت ئەویش لە سایەی پێشمەرگە قارەمانەکانی کوردستان و خۆڕاگریی خەڵکی ئێمەیە".

ھەورەھا نوزاد ھادی گوتی: "ھیواخوازین کە ھەموو لایەنەکانی سیاسی ھەرێم بەدەم پەیامی سەرۆکی ھەرێمی کوردستانەوە بێن و لە یەک نزێک ببنەوە و ھەرێمی کوردستان لەو قەیرانە سیاسییە تێپەڕ بێت. ھەرێمی کوردستان خاڵێکی گرنگی سەقامگیرییە نەک تەنیا بۆ خۆی بەڵکو بۆ دەوروبەر و ناوچەکە بەگشتیی شوێنێکی بەھێزە بەرانبەر بە تیرۆریستان کە ھەوڵی تێکدانی ناوچەکەیان دەدا".

پارێزگاری ھەولێر لەبارەی پرسی زیادی رێژەی پەنابەران و رێگەنەدان بە پەنابەران دوا و گوتی: "زیاتر لە تاقەی ھەرێمی کوردستان و بەراورد لەگەڵ ژمارە دانیشتووانی، ئاوارە و پەنابەر لێرە ھەن. ئێمە لە سنووری مەخموور لە دیبەگە کەمپمان ھەیە کە لە ئەنجامی ئوپەراسیۆنەکانی گەیارە و شەرگات پەنابەر دەبن و ھەرچەندە زەختمان لە سەرە بەڵام دیسانەوە ھەموو کاتێک و لە شەو و رۆژ رێگە دەدرێت بە پەنابەران و رێگە لە ھیچ پەنابەرێک نەگیراوە".