سەرماوسۆڵە ئەرزەڕۆم و ئەردەخان و دێرسم-ی گرتووەتەوە

ئەرزەڕۆم – AA

شەپۆلێکی سەرماوسۆڵە و بەفربارین ئەرزەڕۆم، ئەردەخان و دێرسم-ی گرتووەتەوە

پلەکانی گەرما لە شەودا لە خوار پێنج پلەی ژێر سفری سەدی لە ئەرزەڕۆم تۆمار کران و توێژی بەستوو لەسەر دار و رووەکەکان دروست بوو.

بەهۆی سەرماسۆڵەوە، دەستشۆرگەی ژمارەیەک لە مزگەوتەکان بەستی و شەختە لەسەر ژمارەیەک لە شەقام و شۆستەکان دروست بوو.

بەفر ٢٢ سانتیمەتر لە ناوچەی خلیسکێنەی سەربەفری پاڵاندۆکەن کەڵەکە بووە.

- ئەردەخان

ئەو سەرماوسۆڵە و بەفربارینەی لە ئەردەخان بەردەوامە، کاریگەری نەرێنی کردووەتە سەر ژیانی هاووڵاتییان.

بەهۆی سەرماسۆڵەوە، شەختە لەناو شاری ئەردەخان دروست بووە و بەهۆی بارینی بەفر و هەڵکردنی رەهێڵەیشەوە هاتوچۆی ئۆتۆمبێلەکان کێشەی تێ کەوتووە.

بەم هۆیەوە لە دوێنێوە رێگای داماڵ-پۆسفۆر-تورکگۆزو، بەڕووی هاتوچۆی بارهەڵگرانی بێ زنجیردا داخراوە. ئەم رێگایە شارەکە بە دەریای رەشەوە دەبەستێتەوە و لەوێوە ئۆتۆمبێلەکان دەگەن بە سنووری جۆرجیا.

- دێرسم

جگە لە دروستبوونی توێژی بەستوو لەسەر دارەکان دوای ئەو بەفربارینەی دێرسم-ی گرتەوە، هەروەها توێژی سەرەوەی بەشێک لە چەم و رووبارەکانیش بەستوویەتی. تەمومژیش ژمارەیەک لە چیاکانی گرتووەتەوە.

ژمارەیەک لە ئاژەڵداران وێڕای ئەو سەرماوسۆڵەی ناوچەکەی گرتووەتەوە، بەردەوام بوون لە لەوەڕاندنی ئاژەڵەکانیان لە چیاوچۆڵ و دەشتودەر.