دهۆک.. ئاگر کەوتنەوە لە پێشانگایەک

دهۆک - AA

بەڕێوەبەرى راگەیاندن و پەیوەندییەکانى بەرگرى شارستانى دهۆک، راید بێوار عەبدولعەزیز رایگەیاند "تیمەکانى بەرگرى شارستانى سەرقاڵى کۆنتڕۆڵکردنى ئەو ئاگرەن کە لە پێشانگاکەى شارى دهۆک بەربووە".

بەڕێوەبەرى راگەیاندن و پەیوەندییەکانى بەرگرى شارستانى دهۆک، راید بێوار عەبدولعەزیز بۆ ئاژانسى ئانادۆڵو گوتى: "تا ئێستا نازانین زیانە ماددى و گیانییەکانى ئاگرەکە چین. لە گەرمەى کۆنتڕۆڵکردنى ئاگرەکەین و هەموو هەوڵێکمان ئەوەیە لە کاتێکى کەمدا ئاگرە کۆنتڕۆڵ بکەین، ئینجا دەست بە لێکۆلینەوە لە رووداوەکە بکەین".

بە گوێرەى زانیارى شایەتحاڵەکان رووداوەکە ئاگرێکى کەم لە پشت باڵەخانەى پێشانگاکە هەبووە و دواتر پەلى هاوێشتووە بۆ ناو پێشانگاکە و بە هۆیەوە ئاگرێکى گەورە کەوتووە.

بە پێى زانیارییەکانى پەیامنێرى ئاژانسى ئانادۆڵو پێشانگاکە چەند کارگە و دووکانێک لە خۆ دەگرێت کە بریتین لە دووکانى موبیلیات و هەروەها دروستکردنى قەنەفە و مێز و چەندین کەلوپەلى نێو ماڵ.

تیمەکانى فریاکەوتنى تەندروستى لە ناوچەکە ئامادەییان هەیە، بۆ ئەوەى لە حاڵەتى هەبوونى بریندار یان زیانى گیانى هەستن بە گواستنەوەیان بۆ نەخۆشخانە.