یانەی ئەی سی میلان لە یانەی تۆرینۆ-ی بردووە

ھەولێر ــ AA

یانەی ئەی سی میلان لە ھەفتەی ١٧یەمین خولی تۆپی پێی ئیتاڵیا (Serie A)، بە ئەنجامی (٢-٠) لە یانەی تۆرینۆی بردووە.

لە چوارچێوەی یارییەکانی ھەفتەی ١٧یەمین خولی تۆپی پێی ئیتاڵیادا، یانەی ئەی سی میلان و یانەی تۆرینۆ رووبەڕووی یەکتر بوونەوە.

لە خولەکی ٢٥ی گێمی یەکەمی یارییەکەدا، یاریزانی یانەی ئەی سی میلان، رافائێل لیاو یەکەم گۆڵی بۆ یانەکەی تۆمارکردووە.

ھاوکات لە خولەکی ٣٦ی گێمی یەکەمی یارییەکەدا، یاریزانی یانەی ئەی سی میلان، فرانک کیسی بە لێدانێکی سزا دووەم گۆڵی بۆ یانەکەی تۆمارکرد.

یارییەکەیش بە ئەنجامی (٢ – ٠) لە بەرژەندی یانەی ئەی سی میلان کۆتایی ھات.

بەم ئەنجامەیش یانەی ئەی سی میلان کۆی خاڵەکانی گەیاندە، ٤٠ خاڵ و پێشەنگی خولی تۆپی پێی ئیتاڵیا گرتووە و یانەی تۆرینۆ-یش بە کۆکردنەوەی ١٢خاڵ لە پلەی ١٨یەمدایە.