پاڵەوانی ئەم وەرزەی فۆرمولا وەن لە ئەبو زەبی دیاریدەکرێت

ئیستانبوڵ - AA

٢٢ھەمین و دوا پێشبرکێی ئەم وەرزەی پاڵەوانێتی جیھانیی فۆرمولا وەن، لە ئیمارات بەڕێوەدەچێت.

پێشبڕکێکە کە لە یاس مارینای ٥،٢ کیلۆمەتری لە ئەبوزەبیی پایتەخت بەڕێوەدەچێت، سبەی کاتژمێر ١٦:٠٠ بەکاتی ھەولێر گەڕی دیاریکردنی رێزبەندەکان دەستپێدەکات.

دەستپێکی پێشبڕکێکەش رۆژی یەکشەممە ١٢ی کانوونی یەکەم لە ھەمان کاتژمێر بەڕێوەدەچێت.

گرێگوێرەی کێشمەکێشەکانی بەدەستھێنانی پاڵەوانێتییەکە لە نێوان شۆفێران و مارکەکان لە ئەبو زەبی یەکلادەکرێتەوە.

شۆفێری ھۆڵەندیی رێدبوڵ ماکس ڤێرستاپینی تەمەن ٢٤ ساڵان کە بەدوای بەدەستھێنانی یەکەم پاڵەوانێتی دەدات و شۆفێری مێرسیدسی بە رەچەڵەک بەریتانی لویس ھاملتن کە ھەشت جار بووەتە پاڵەوانی فۆرمولا وەن و بەدوای تۆمارکردنی ژمارەی پێوانەدایە، پێشبرکێیەکە بە ھەمان خاڵ (٣٦٩،٥) دەستپێدەکەن.

لەسەر ئاستی مارکەکانیش، مێرسیدس بە جیاوازی ٢٨ خاڵ لە پێش رێدبوڵدایە.

. خشتەی خاڵەکان

پێش دەستپێکردنی دوا پێشبرکێی وەرزەکە، ریزبەندی یەکەم پێنج شوفێر و تیمەکان بەم شێوەیەیە:

- شۆفێرەکان

１. ماکس ڤێرستاپین (ھۆڵەندا): ٣٦٩،٥ خاڵ

２. اویس ھاملتن (بەریتانیا): ٣٦٩،٥ خاڵ

３. ڤالتێری بۆتاش (فنلەندا): ٢١٨ خاڵ

４. سێرخیۆ پێرێز (مەکسیک): ١٩٠ خاڵ

５. چارلس لیکلچرک (مۆناکۆ): ١٥٨ خاڵ

- تیمەکان

１. مێرسیدس: ٥٨٧،٥ خاڵ

２. رێدبوڵ: ٥٥٩،٥ خاڵ

３. فیراری: ٣٠٧،٥ خاڵ

４. ماکلارین: ٢٦٩ خاڵ

５. ئالپین: ١٤٩ خاڵ