بەفر رێگر بوو لە دەستپێکردنی ٥٦مین خولی پاسکیلی سەرۆکایەتی کۆماری تورکیا

نەوشوهیر- AA

بڕیاربوو سبەی ٥٦مین خولی پاسکیلی سەرۆکایەتی کۆماری تورکیا دەستپێبکات و لە یەکەم رۆژیدا گەشتێک لە نێوان شارەکانی نەوشەهیر- کاپادۆکیا ئەنجامبدرێت.

بەڵام لە ئێوارەی دوێنێوە شەپۆلێکی بەهێزی بەفربارین شاری نەوشەهیر-ی گرتووەتەوە و ئەمەش وای کردوە هەلومەرجی گونجاو بۆ دەستپێکی خولی پاسکیلسوارییەکە فەراهەم نەبێت.

پێشبینییەکانی کەشوهەوا ئەوە نیشان دەدەن کە بەفربارینەکە بەیانیش بەردەوام دەبێت هەربۆیە بڕیاردرا ئەنجامدانی گەشتی نەوشەهیر- کاپادۆکیا هەڵبوەشێندرێتەوە.

دوای دەرهێنانی نەوشەهیر لە لیستی ٥٦مین خولی پاسکیلی سەرۆکایەتی کۆماری تورکیا، بڕیارە رۆژی ١٢ی نیسان گەشتی خولەکە لە شاری کۆنیا-وە دەستپێبکات.