ھێزە ئەمنییەکانی عێراق پێنج تیرۆریستی داعشیان دەستگیرکرد

ھەولێر ــ AA

شانەی راگەیاندنی ئەمنی سەربە نووسینگەی سەرۆکوەزیرانی عێراق راگەیاند کە لە زنجیرەیەک ئۆپەراسیۆندا لە پارێزگاکانی نەینەوا، سەڵاحەددین و ئەنبار، پێنج تیرۆریستی داعش دەستگیرکراون.

شانەی راگەیاندنی ئەمنی لە راگەیەندراوێکدا ئاماژەی بەوەداوە کە ھێزە ئەمنییەکان، زنجیرەیەک ئۆپەراسیۆنیان بۆسەر تیرۆریستانی داعش لە پارێزگاکانی نەینەوا، سەڵاحەددین و ئەنبار ئەنجامداوە.

راشیگەیاندووە کە لە ئۆپەراسیۆنەکاندا، پێنج تیرۆریستی داعش دەستگیرکراون.