ھێزە ئەمنییەکانی عێراق سێ تیرۆریستی داواکراویان لە کەرکووک دەستگیرکرد

ھەولێر – AA

وەزارەتی ناوخۆی عێراق رایگەیاند کە سێ تیرۆریستی داواکراو لە پارێزگای کەرکووک، لەلایەن ھێزە ئەمنییەکانەوە دەستگیرکراون.

وەزارەتی ناوخۆی عێراق لە راگەیەندراوێکدا ئاماژەی بەوەداوە کە لە میانی زنجیرەیەک ئۆپەراسیۆنی ھێزەکانی سەربە فیرقەی سێی پۆلیسی فدراڵییدا لە قەزای حەویجە باشووری رۆژئاوای پارێزگای کەرکووک، سێ تیرۆریست دەستگیرکراون.

راشیگەیاندووە، تیرۆریستە دەستگیرکراوەکان کە بەپێی ماددەی چواری تیرۆر داواکراوبوون، بەمەبەستی لێکۆڵینەوە رادەستی دەستەی لێکۆڵینەوەی سەربە ھەواڵگریی فەرماندەیی پۆلیسی فیدراڵیی لە کەرکووک کراون.