ھەولێر ــ AA

وەزارەتی بەرگریی عێراق لە ئاکامی ئەو ھێرشە مووشەکییەی کە درەنگانی شەوی ڕابردوو لە دەوروبەری بەغدای پایتەختەوە، کرایە سەر بنکەی ئاسمانیی شەھید محەمەد عەلا (بنکەی ئاسمانیی ڤیکتۆریا)، زیانێکی زۆری ماددی بەر‌ فڕۆکەیەکی ھێزی ئاسمانیی عێراق کەوتووە.

وەزارەتەکە لە ڕاگەیاندراوێکدا ئاماژەی بەوەداوە دەرنگانی شەوی ڕابردوو لە دەوروبەری بەغدای پایتەختەوە، ژمارەیەک مووشەک گراد ئاراستەی بنکەی ئاسمانیی شەھید محەمەد عەلا کراون.

ڕاشیگەیاندووە کە لە ئاکامی ھێرشەکەدا، زیانێکی زۆری ماددەی فڕۆکەیەکی جۆری (Antonov-١٣٢) سەربە ھێزی ئاسمانیی عێراق کەوتووە، بەڵام ھیچ زیانێکی گیانیی نەبووە.

وەزارەتی بەرگریی عێراق لە ڕاگەیاندراوەکەدا، سەرکۆنەی ئیدانەی ھێرشەکەی کردووە و بە کردەیەکی "ترسنۆکانە" ناوی بردووە و جەختی لەوەش کردووەتەوە کە زیان گەیاندن بە چەک و تەقەمەنی ھێزە ئەمنییەکا، کردەیەکی بە تێکدەران و ھەوڵێکە بۆ تێکدانی ئاسایشی وڵاتەکەی.

ھەروەرھا لە ڕاگەیاندراوەکەدا، ھاتووە: "درێغی ناکەین لە ڕاوەدوونانی ئەو کەسانەی کە ھەوڵدەدەن زیان بە ئاسایش و سەروەریی عێراق بگەیەنن".