کەرکووک.. تەقاندنەوەی بیرە نەوتێک لە لایەن داعشەوە

ھەولێر ــ AA

بیرە نەوتێک لە باکووری رۆژئاوای پارێزگای کەرکووک لە لایەن تیرۆریستانەوە داعشەوە تەقێندرایەوە.

لەمبارەیەوە سەرچاوەیەک لە پۆلیسی پارێزگای کەرکووک بە میدیاکانی عێراقیی راگەیاندووە کە ئەمڕۆ شەممە تیرۆریستانی داعش، بیرە نەوتی ژمارە ١٠٥یان لە کڵێگەی بای حەسەن لە قەزای دووبز باکووری رۆژئاوای پارێزگای کەرکووک تەقاندووەتەوە.

سەرچاوەکە ئاماژەی بەوەیشداوە کە ھێشتا زیانی تەقاندنەوەی بیرە نەوتەکە نەزاندراوە و گوتی:

"ھێزە ئەمنییەکان لێکۆڵینەوەیان لەوبارەیەوە دەستپێکردووە".