کەرکووک.. بەهۆی تەقینەوەیەک چوار کەس گیانیان لەدەست دا

کەرکووک - AA

بەهۆی تەقینەوەی بۆری گاز لەناو نانەواخانەیەکی شاری کەرکوک، چوار کەس گیانیان لەدەستدا و یەکێکی دیکەش بەسەختی بریندار بوو.

بەپێی زانیارییەکانی ئاژانسی ئانادۆڵو، تەقینەوەکە پێش نیوەڕۆی ئەمڕۆ روویداوە و سێ لە کوژراوەکانیش کرێکارەی نانەواخانەکە بوون کە لە کاتی تەقینەوەکەدا لە ژوورەوە گیریان خواردووە و رزگاریان نەبووە و قوربانییەکەی دیکەش هاووڵاتییەکی ژن بووە.

هاوکات تینی ئاگرەکە باڵەخانەی سەرەوەی نانەواخانەکە، هەروەها ژمارەیەک ماتۆرسکیل و ئۆتۆمبیلێکی نزیک نانەواخانەکەشی گرتووەتەوە و بەهۆیەوە ئەوانیش سووتاون.