کۆنسوڵخانەی تورکیا لە هەولێر سەرخۆشی لە ئێزدییەکان کرد

هەولێر - AA

کۆنسوڵخانەی تورکیا لە هەولێر، بە بۆنەی کۆچی دوایی کەسایەتی ئێزدییەکان، شێخ شامۆ، پەیامێکی هاوخەمی بڵاوکردەوە.

پەیامەکە لە هەژماری تایبەتی کۆنسوڵخانەکە لە تۆڕی کۆمەڵایەتی تویتەر بڵاوکراوەتەوە و تیایدا هاتووە: "بە داخ و پەژارەیەکی زۆرەوە هەواڵی کۆچی دوایی راوێژکاری سەرۆکوەزیرانی هەرێم، مەسروور بارزانی بۆ کاروباری ئێزدییەکان و سەرۆکی بنکەی رۆشنبیریی لالش، شێخ شامۆ-مان بیست. بەو بۆنەیەوە سەرەخۆشی لە سەرجەم ئێزدییەکان دەکەین".

رۆژی سێشەممە ١٨ی کانوونی دووەمی ٢٠٢٢، راوێژكاری سه‌رۆكی حكوومه‌تی هه‌رێمی كوردستان بۆ كاروباری ئێزدییەکان و سه‌رۆكی بنكه‌ی رۆشنبیریی لالش، شێخ شامۆ شێخ نەعمۆ به‌هۆی تووشبوونی بە ڤایرۆسی كۆرۆنا، و لەکاتی وەرگرتنی چارەسەر لە یەکێک لە نەخۆشخانەکانی ئەنقەرە كۆچی دوایی كرد.

IKBY Başbakanı Mesrur Barzani’nin Ezidi İşlerinden Sorumlu Danışmanı ve Laleş Kültür Merkezi Başkanı Şeyh Şamo’nun vefatından üzüntü duyduk. Tüm Yezidi toplumuna başsağlığı dileklerimizi iletiyoruz.

— T.C. Erbil BK (@ErbilBK) January 20, 2022