کۆمیسیۆن: "گۆڕانکاری بەسەر ئەنجامە بەراییەکانی ھەڵبژاردنەکاندا ھاتووە"

ھەولێر ــ AA

کۆمیسیۆنی باڵای سەربەخۆی ھەڵبژاردنەکان رایگەیاند کە دوای ئەوەی دەنگەکان لە ھەشت ھەزار و ٥٤٧ وێستگە بەدەست جیاکراونەوە، گۆڕانکاری بەسەر ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەراندا ھاتووە.

کۆمیسیۆنی باڵای سەربەخۆی ھەڵبژاردنەکان لە راگەیەندراوێکدا ئاماژەی بەوەداوە کە دەنگەکان لە ھەشت ھەزار و ٥٤٧ وێستگە بەدەست جیاکراونەتەوە، بەمەیش گۆڕانکاری بەسەر ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەراندا ھاتووە.

کۆمیسیۆن زانیاری زیاتری لەوبارەیەوە نەخستووەتەڕوو.

لای خۆیەوە سەرۆکی ئەنجوومەنی کۆمیسیارانی کۆمیسیۆنی باڵای سەربەخۆی ھەڵبژاردنەکان، جەلیل عەدنان لە کۆنگرەیەکی رۆژنامەوانییدا رایگەیاند، ئەنجامە بەراییەکانی ھەڵبژاردنەکان کە لەئێستادا راگەیەندراوە، کۆتایی نییە و گوتی: "لە ماوەکانی داھاتوودا، دەنگەکان لە سێ ھەزار و ٦٨١ وێستگە لەبەردەم میدیاکاندا بەدەست جیادەکرێنەوە بۆ ئەوەی بخرێنە سەر ئەو ئەنجامانەی کە راگەیەندراون".